احب اتعرف عليكم

انا اسمى ريم وعندى 18 سنه واصحابى كلمونى عن المنتدى ده كتير واتمنى الاقى معاكم جو الاصدقاء الممتع انا فى كليه تربيه نوعيه شاطره فى الرسم جدا بس مش الرسم على الناس طبعا بحب كل الناس لكن بختى قليل ليا مواقف كتير اوى صعبه مرت عليا اوقات الفرح شويه مش كتير دايما بصاب بالاكتئاب من غدر الناس عشان كده انا ناويت ارخم عليكم وامركم لله وكفايه كده عشان ماتكرهونيش قبل ماتعرف عليكم

ريــــــ الــقـــــــــلب ـــــ الــجــــريـــــــح ـــــــــــــــــــــــــــــــــــــــــــــــم

اهلا بيكى معانا فى المنتدى

واهلا بيكى فى صداقتنا

احب ابدأ الكلام معاكى فى ان بلاش الاكتئاب من اى مواقف حتى لو كانت كتير افتكر انك بتتفرجى على التليفزيون وبتشوفى الحروب والاطفال الصغيرة اللى بتتقتل وبتنضرب وبتتعذب ومبكتابوش مش عشان هما احسن منك لا لان هما بيفكرو بطرقة واحدة وهى اللى عدة وفات مليش فيه انما انا اقدر اغير اللى جاى بل انا لازم اغير فى اللى جاى انتى شاطرة فى الرسم كل اما تزعلى ارسمى وصدقينى والله هتطلعى رسومات اجمل مما تتخيلى دى موهبة ولازم تستغليها فى كل حاجة حتى اما تزعلى صدقينى هتهدى جامد جدا وكمان هترسمى كويس جدا
غدر الناس موجود وهيفضل موجود لو كل واحد اكتأب من غدر حد يبقى كلنا هنموت تفتكرى ده الحل ولا الحل انك تفكرى زى الناس اللى مش بس بيتغدر بيهم ده بيخسرو بيوتهم واخواتهم وحياتهم الحمد لله احنا مش زيهم وعشان كدة لازم نكون احسن واقوى على الاقل خالص احنا لسة بنتضرب على افانا بمزاجنا لسة محدش ضربنا غصب عننا

اتمنى مكونش ضايقتك واهلا بيكى وياريت ترخمى علينا على اد ما تقدرى Laughing

هارى بوتر

نورتي المنتدى وفعلا المنتدى جميل انا محمد نصر 18 سنة كلية تجارة انجليش
اتمنى اشوفك في المنتدى......
واهم حاجة لو اكتأبتي وزعلتي وحسيتي ان الدنيا كرهاكي مش هتسحملي نفسك
شــــــــــــكرا

اهلا بيكى ريم فى المنتدى وبلاش حكايه ترخمى علينا دى انتى نورتى المنتدى وبعدين هتلاقى 3/4 المنتدى مكتئب مش جديد وتأكدى انك بين اصحابك فعلا ويارب تكونى سعيده معانا