رباعيات جاهين

جاهين قصة حقيقية لابد ان تحكى


بعض رباعيات جاهين
رباعية للحياه
خرج ابن ادم من العدم قلت :ياه
رجع ابن ادم للعدم قلت :ياه
تراب بيحيا ...وحى بيصير تراب
الاصل هو الموت ولا الحياه ؟
عجبى!!

رباعية الفرص

ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش
عجبى!!

رباعية للمستقبل
يا باب يا مقفول... امتى الدخول
صبرت ياما واللى يصبر ينول
دقيت سنين ..والرد يرجعلى مين؟
لو كنت اعرف مين أنا كنت اقول
عجبى!!

رباعية لاى حبيبة بعيدة
ليه يا حبيبتى ما بينا ديما سفر
ده البعد ذنب كبير لا يغتفر
ليه يا حبيبتى ما بينا ديما بحور
اعدى بحر الاقى غيره اتحفر
عجبى!!

رباعية لكل حبيب وحبيبة
ورا كل شباك ألف عين مفتوحين
وانا وانتى ماشيين يا غرامى الحزين
لو التصقنا نموت بضربة حجر
ولو افترقنا نموت متحسرين
عجبى!!

رباعية ضد الظلم
إقلع غماك يا تور وارفض تلف
اكسر تروس الساقية واشتم وتف
قال.. بس خطوة كمان وخطوة كمان
يا اوصل نهاية السكة يا البير تجف
عجبى!!

رباعيات الحزن
يا حزين يا قمقم تحب بحر الضياع
حزين انا زيك و ايه مستطاع
الحزن ما بقالهوش جلال يا جدع
الحزن زى البرد.... زى الصداع
عجبى !!

حاسب من الاحزان وحاسب لها
حاسب على رقابيك من حبلها
راح تنتهى ولابد راح تنتهى
مش انتهت احزان من قبلها ؟
عجبى.!!
رباعية السجن والحرية والالم

فارس وحيد جوه الدروع الجديد
رفرف عليه عصفور وقاله نشيد
منين ..منين .. لفين.. لفين يا جدع
قال من عيد ولسه رايح بعيد
عجبي !!

يا عينى عليك
باين عليه مكوى بألم وعايز يبوح
ربنا يقوينا على الدنيا وعلى راى جاهين
يومى على الله تنتهى وتغيب
الشمس و تعود تانى يوم لهاليب
زى الحياة مأساه و من كترها
بقى لا انتهاءها و ابتداءها عجيب

جميل جدا اشكرك على المجود العظيم ده